點解我o地要讀四年？

所有在外面回流的朋友都說，澳門職場是個可怕的地方。人來來去去都是同一批，又不能得罪人，但這班人，又不夠專業。

最近得知原來本地連tvc度橋，都可以落到一些非專科、非廣告業的人身上。不懂畫story board的人畫storyboard、不懂分鏡的人做分鏡。好聽點叫做機會處處，直接點說就兩個字：兒戲。如果讀四年會計最後都可以話做就做，我地點解要讀design？得悉的當刻，幾乎想打電話問神sir：你講咩professional？

你相信自己，改變澳門創作環境

有ｄ野埋0係我心入面已經好耐好耐，怕畀人笑，怕畀人寸，都冇同人講過，今日發生0左件事，沖擊到我埋係心入面0家依件事忍唔住真係要爆出黎：

事由係咁：
在廣告公司做暑期工0家我，專程幫大客為一個活動做一大堆工作證，工作證幾經辛苦，終於被接納，當然，被接納果個設計永遠不會是自己喜歡的那果，依個係不滿之一．
到工作證印好晒出黎，正打算啤膠交貸0家時候，大客一個電話打黎，話想改少少字，咁點呀？貸都印好晒啦？冇計，因為佢係大客，佢出得起錢，佢話要改就改，結果果５百幾張工作證就變晒廢紙，垃圾，我望住依堆廢紙，好心痛，真係好心痛，好浪費呀，由於前後都印晒野，冇辦法再做，終是，就只好用碎紙機碎晒佢．依個係不滿之二．
其實依D情況唔係第一次發生，之前都有試過印好晒一堆燈布，又係個客要改少少野，就要重頭印過，咁果ｄ唔要0家燈布，好彩0家就會被送去地盤做遮野0家爛布，唔好彩0家咪又係當垃圾畀人丟晒佢．依個係不滿之三．

我記得畢業前，我收過一份關於環保慨念的問卷調查，內容係鼓勵大家支持環保，講我們設計學生，每日產生好多冇用0家廢紙，做功課用淨唔要變成垃圾．很有意思．完全係我心裡所想．可惜，問卷過後就再沒有下文了，聽說是因為同學們都沒回響，為什麼沒回響，是否人人都抱住一句”事不關己，己不勞心”呢，換個方向看看，如果可以循環再造0家物件，對自己有利，會否令大家在意d呢？
我0地身為一個設計者，同時又係一個破壞者，到底有冇唸過重環再造．＜環保設計＞，我0地用沒用0家資源再造到自己0家設計產物，推出市場賣．賺錢是其次，推廣自己是大．
例如，我0地用再造紙，做設計味重0家垃圾桶，筆桶．或用沒用0家舊布，舊衫再重新合併再印過，做過一堆衫，
又或者，你以前做過0家一堆功課，你覺得唔錯，唔捨得丟，但又唔想放在家發毛，都可以拿出黎賣．

有時我行過一D指明係原創0家店，可惜入內，你可以發現店內只有５分之二或更少才是自己設計，大多都是入貨，可哀！！是否因為一個人的力量太少冇力支撐呢，如果是一堆人一起攪又如何？依堆人可以是設計團體，可以是一個品牌，可以是一個媒體，我們推廣的是環保意識，澳門的創作．
他們可以是一組人又可以是一個人的獨立創作．我0地沒合約cool死，你有野黎，我0地就收野，當然要經過品質驗定啦．
咁到底在哪裡賣？？點賣，我0地會努力搵買家，商店奇賣或者網上寄賣，我0地會好努力做宣傳的．

首先，我們要有一個團體名，例如＜澳門創作＞，設計者推出產品時，產品會附有團體名及設計者的資料，方便購物者以後聯絡設計者．
例如：somi@＜澳門創作＞ e-mail:somi@gmail．com，（你仲意可以更詳細0家資料）
而所賣出的產品，設計團體就會從中收取一個；所為0家手續費（放心，價錢一定合理），我0地唔係白收0家，我0地會存好佢，將來可能用黎租地方出售貸品（例如年宵時期，政府0家週未市場）．

咩人都可以參加依個團體，唔理你0係咩人，只要你有一顆熱愛設計0家心．每個人都要為依個團體唸一個名，及對名字有解釋，收件日係９月一號（只係個名0者)，之後會通過投票，選出最好最有意思0家，之後我0地又再作一次LOGO招收行動，又再投票．如果有日，我0地出0左名，依個第一個原創者，我0地又點會唔成日提住你呢．
你0地要明白，依個團體唔係一個專係賺錢0家團體，佢真係畀個機會大家去推廣自己，（又可以聚舊），

依家一齊玩0家暫時有：ICY , somi, SUN, IRENE, DON.

依個係亞DON唸0家團體名：
"冬蟲夏草"
冬蟲夏草係藥黎麻用黎醫人咯仲有就係循環不息ge意思呀蟲變草表示創作空間大

歡迎轉載，支持澳門創作，支持環保．我們希望聽到唔同家聲音，畀d意見我0地呀

換爽大會

各位靚哥靚姐，好耐無見，近況如何？

你地有冇掛住我地d相呀？有就好喇，而家有個機會比你地見返在我地部爽雞入面既相喇!

約個時間約個地方，進行換相大會加大食會,泰國手信等住你地食，仲有會現場播放畢業展、謝師宴、畢業女痕相等，入場資格係交底一隻你部相機所影既所有以上場合所影既相，如果唔係踼返你出門口

大會將會即時收集各屆相片以及燒錄，大會將不會提供cdr煩請各位帶埋吉碟入場


拿臨夾好時間，我呢d半退休人士隨時恭候。