谷收視

見呢排收視唔理想, 爆下料先~

上上星期開會見到ko王, 她叫我安排schedule叫d同學上星期六返去搵佢, 點知大家好似唔多得閒咁... 到左上星期五晚, 唔知點同佢講好, 但係點都要單聲ge, 有交帶嘛, hea左好耐終於有勇氣按下ko王電話, 聽到ge係一種奇怪ge通電話聲...然後......cut左.

於是上星期六朝早再打過, 又係戈種奇怪通電話聲, 戈種聲, 依我ge經驗話我知係長途電話聲lo, 咦...唔通ko王又去左台灣做交流? 呢個時候我梗係見好就收...線la~ 為左證實一下, 所以下晝又打過, 又再重施故技~haha~ 跟住過左無幾耐, 我收到msg, 原來佢真係去左台灣做交流wor, 話星期一晚返...早知係咁我就唔使hea咁耐唔知點同佢講la!

到左星期一晚, 佢真係打俾我, 仲問係咪我搵佢, 當然係la, 同佢傾左兩句之後, 咪話遲d再約時間見佢lo~ 佢話星期四同我講下邊d人要特別見佢咁wor~

報料完畢.

真正死線

呢兩個月以黎，都比包導條片同李新新同學誤導死線係七月一。

但係尋晚比騎雲一野整醒左，死線唔係七月一，而係一個性感既男人. . . . . .

無成個月咁多，得半個月咋！！！即係十幾日咋！！！！！！

呀~~~~~~~~~~~~~~~~~~~~~~~~~~~~~~~~~~~~~~~~~~~~~~

好想發癲呀~~~~~~~~~~~~~~~~~

ok王與ko王

今日上上下堂, 同tracy見面於msn, 唔知講到咩, tracy突然為auto同cad加個專稱, 是為ko auto王與ok cad王也. 從ok 和ko 可以理解, 兩位王者對學生作品的處理態度.
上ok王其實都幾悠閒ge~ 又不時有料收. 今日又有關於ko王ge消息la~話說學校有意將平面立體分家, 正正式式開辦室內設計. 於是各位王者同神就要四出搜集各大小建築室內設計公司意見. 有次佢地去拜訪賽填填建築師, 過程中一位係美國芝加哥ge大學畢業ge老師(大家知係邊個啦)問左一句, "其實澳門ge建築條例係跟international還是自己有一套ga?" 呢個問題, 對於賽填填佢地呢d本地建築師黎講根本唔係一個問題, 簡單到唔使問出口la~ 所以聽罷賽填填呆左唔知俾咩反應好. 好彩ok王連忙解釋番, 話ko王係外國畢業, 對澳門呢個行業ge情況唔係咁了解, 加上又無經驗(我唸呢句當時無講卦)...
就係咁, ok王又再次ko左ko王, 重點係係我地咁多位傻瓜面前, 大家又係個心入面傻笑.
不過ko王好硬淨ge, 正如師兄話齋, ok王, 笑笑女神同勝利神聯手先可以同ko王抗衡. 睇黎ko王與ok王ge事會繼續精彩~~~
可惜我地就黎無得留低, 唯有係度記低佢, 流傳落去, 終有一日可以出到本 "ok王ko ko王語錄" ge!

懺悔

今日好似係神ge最後一堂, 我都無返, 所以上黎懺悔下...
希望神聽到我ge聲音, 體諒我hea左兩個禮拜一事無成la, 亞門
(好似無懺悔過咁")

p.s. 原來無返ge唔止我一個, 得閱閱返左, 睇下我地呢班人幾不孝"

徹底地魔鬼

見有人投訴話淨係睇到我之前貼出黎果集，其他搵唔到，我吹時咪做魔鬼做到底，勤力d貼得徹底d囉~
呢度兩集，只要去到果個網，再輸入「Nana EPISODE 0?」(?＝第幾集)就好容易搵到中文字幕版本既nana動畫架喇，一至七集等住你~
講到兩個nana岩岩一齊住入伙果下。
話時話，首主題曲好聽過mika果首多多聲，首ending次次都出得好鬼夾，雖然個畫面真係好差...
原來又係日韓聯手搞出黎架喎，見ending果度出左d韓國人名romaji


第一集part 1
http://www.youtube.com/watch?v=dLSrrgPVNzk

第一集part 2
http://www.youtube.com/watch?v=J3ibUf7CcJk

第一集part 3
http://www.youtube.com/watch?v=lxc1utBPHuk

第二集part 1
http://www.youtube.com/watch?v=vIWVR-IiYbc

第二集part 2
http://www.youtube.com/watch?v=hpE7flRF1qg

第二集part 3
http://www.youtube.com/watch?v=I6ML1rVQkJE

與功課抗衡大呈獻

又一與功課抗衡大呈獻

NANA動畫
而家係朝早九點......先至睇左三集......

http://www.youtube.com/watch?v=vpf6gXADyV8

廿萬學生上網成癮

「調查中所用的「吸毒」和「病態賭徒」兩種評估方法分別有七個及十個標準，例如子女是否需要更多的上網時間去獲得滿足感、是否以上網逃避問題、減少上網時間是否會有坐立不安、焦慮等情形。」(YAHOO今日頭條，2006/5/21)


其中應該有一個係我，主要病態成因係逃避問題。

頭條新聞式MV時間

今朝比李新新提一提，原來淨返四十日時間要搞掂份論文、排書埋書、整好個booth
觸起我剪呢條片既靈感。


再坐一會　但願能再坐一會
(黑眼圈吹時係屋企夾住個夾hea樣，影到少少窗，天微亮)
既要別去　且盡量盡量逗留 日後亦無悔
(時鐘指住五點八，秒針在動 )

獨白:
再添熱茶一杯　請你多留一會
(吹時對住個mon飲緊有熱氣上升既野)
不求你回心轉意　只想別後你心中無悔
(放返低杯野，烏whe式R頭，zoom埋mon度，原來覆緊滿是表情符號的msn)

情到此心中終於都清楚 懶講分手可相會 無言望已冷也已碎的煙灰比你我更加
(吹時 & P7對住坐，吹時比P7鬧到頭dup dup，zoom埋台面上花哂既份論文print out)

(cut音樂，去返現場聲，p7鬧吹時後，吹時呢係傷殘廁痞係度啜泣，開返音樂)

誰人在　戲裡對白語氣極平淡
(燈光昏暗，吹時在床上 ZzzZzz中，眉漸漸夾緊)
再禮貌地碰杯　如何共你再說愛說恨
(zoom 埋吹時頭交代入吹時的夢)(落soft鏡)
何妨留待什夜夢迴
(吹時苦住口面渣住支cyan colour sakuru牌蠟筆係咁趙)

獨白:
唔敢斟香濃既酒　怕你心中誤會
(場面黎到燈光昏暗既karaoke，影住滿台色鐘&發出金光的啤酒)
但系一杯清淡既茶　你又可曾領會
(zoom 返開少少，focus都係色鐘老啤，但影到有對手猜ing十五二十，then一隻手拿起呢杯老啤)
既要別去　且盡量盡量逗留 日後亦無悔
(影住吹時飲老啤個樣，吹時雖飲ing但眼仔腰果形地望住隔離條友)

都唔知開咩會...

A sir 叫左我地d 代表番去開會, 講畢業展d 野, 隨便聽下我地意見咁話wor...
但係呢個歷時兩粒鐘多d ge會入面, 我又唔覺講左d 咩lo
只係得d 好rough ge message
再想知深入d, 都無, 未落實...
咁不如等你知多d 先講俾我地知la好無!?
又話想follow我地d 進度, 你自己都知道晒la, 只係想有d人係度交代下應下你又嘛~
叫我地返去睇下你地d鬧劇, 同埋本身一句野可以交待但係擴充到成半分鐘ge 野咩!
d時間你俾我做下功課又好訓下都好la~
kill my time!

仲有呀, 開會見到Auto, 又要我地約時間見佢, 唉(預左會發生ge不幸事件")
呢兩件Double A 真係...無言

p.s. 開會前一日A sir phone我wor, 佢睇住我email 個英文名叫我la, 但係叫一半唔叫一半, "唔該係咪克勤呀?" 汗............"你打錯la""唔係...我係A sir " 超汗.......................

！！！！！ for what ?

淨係識set deadline，交左又唔睇，之前睇得果兩次，睇又睇兩版後面果d又唔睇。

仲要又串又侮辱又諷刺，要佢救果時又唔救我，交左兩個星期先睇，而家趕喇仲要發我脾氣！

我唔知點解佢有權發我脾氣喎，最幣佢發脾氣唔係緊張我份野喎，好明顯係因為佢煩躁而搵我黎發洩喎。

佢話我錯我唔介意喎，但係態度勁差囉！

錯咪錯囉！點解要又串又侮辱又諷刺呀？

串一野都唔止，仲要捉住果一點黎繼續串落去，無意義咁串囉去！

見左一個鐘，佢d唔關事既串串足八個字，有用既意見又唔見佢講多d？

佢改我份野果時根本心情浮躁，可信程度相應偏低囉。

佢將我份野成段大交叉大交叉咁叉落去，又寫埋哂d好多感嘆號既句子(如本篇title)

我認係寫得唔好，但係能力有限囉，要人救果時又由得你自生自滅囉。

得閒比幾張唔關事既報紙黎我屋企夠有訂澳日啦！

如果佢係唔想教我既話我唔介意佢將我pass比第二個亞sir跟囉。

佢旨在抒發自己情緒，佢侮辱我份論文囉。

咁既時勢仲要發惡夢...

嗚~~~~~~~~~~

而家咁既無得訓時勢，係咪訓下都係罪丫！做乜連訓下都要人地發惡夢喎！

我頭先發夢唔知點解，食蠟筆呀~~~~好苦呀~~~~

仲要係我而家整緊果colour scheme果隻色呀~

個colour scheme實在困繞得我太緊要喇實係...

我唔知點解趙趙下先至覺得有問題，知道果d係蠟筆，先至擺張紙巾入口趙，想抹返d色出黎...

果隻仲要係sakura牌蠟筆添喎，細細支容易食...

成件事我覺得係結合左我流牙血同埋colour scheme囉...

我呢排成日唔夠訓流牙血都係咬紙巾止住血繼續對住個電腦咋...(講到自己懶勤力，岩岩先比小咸引誘左去睇nana...)

二年級叮噹哥有心玩我

葡萄牙?异??事件

夜媽媽咪玩啦
如果你係我，收到條咁ge正野，你睇好唔睇好丫你話

http://www.rssim.com/dispbbs.asp?boardID=9&ID=240&page=1

無論屬真屬假，本著design人必死都要八卦ge決心，我……決定留返聽朝先睇
multi同學得閒幫我地分析下喎唔該

乖豬三日

呢三日大家好似都好乖豬咁喎，見呢度上一個post既日期仲係上星期五就知。

吹時呢幾日因為受到良心既責備，所以好努力咁谷wilson，但係顧得wilson黎，今日又要見nelson。

嗚...今日nelson勁不滿...我又係衰既，兩個星期無見過佢，唔怪得佢會嬲人地...

星期三又真係要見wilson，唔知佢又會唔會嬲我呢？

其實如果比到成績佢睇，佢都未必會嬲得落既，但係今日比nelson兩句，又發覺我套visual又真係幾有問題...

我閉左關咁耐谷呢套visual，全部掉哂佢？唉...

唔理喇，蘋果P左佢出黎先，再造過套啦...

多d A3紙擺係佢台，場面大到好似火舞黃沙咁，希望唔好嬲得咁緊要...

wa~乜咁樣衰呀...

朝早係張床度典典下之際收到violet姐ge msg, 話"急功"紙行ge贊助由免費提供8款24張ge紙縮水到試紙八折價.
得番八折!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! 即時咩魂魄都返齊.
咁ge情況梗係要打俾發料人八下咩事la, 話說係"急功"換左老細, 新老細唔ok wor...
一句唔ok就由免費變左八折, 都幾樣衰bor~
節錄下其他人ge反應先:
violet姐: 核突!
b同學: 紫色嘴唇呀~ (唔明白ge同學仔再問我la)
肥豬同學: 真係一波三折...... (我話一仆一碌tim la... 話緊我自己0者)
而家話睇下仲有無得傾下tim, 萬一都係得八折ge話, 我唸個個都收歛晒唔要咁多, 咁我同立體班同時裝班ge交換紙張計劃又要泡湯""""
最新事態發展請繼續留意"又見晨曦鳥啼鳴"

神的打救與地獄的召喚

趁走堂, 寫下blog先~

尋日終於交左份論文俾神, 大部分問題都係靠自己的力量自行解決, 咁到左呢日, 點都要問多兩句聽下神的啟示ge~

"我覺得呢...好似前面ge內容太多, 有d好雞肋, 唔知要唔要好."
"哦~咁你係咪發覺有d話說好似成日重複重複咁丫?"
"都...有d 係呀~"

"你寫咁多個地方, 點解個結論只係對其中一個地方提方案ge..."
"呃..."
"你睇左咁多, 應該對每個地方都有d見解ge~唔通其他你無做方案ge地方就好完善?其實呢, 應該每個地方都有一個方案, 咁個結論睇上黎先夠充實丫ma~同埋個比例先合理"

咁我寫左5個地點wor, 咪即係要做5大個方案乎...
我好似一個都未做起

"你對每個地方考察完, 寫左佢有咩優缺點, 再講下點改善, 其實已經係一個初步方案la"
哦...咁都好d

"不過而家呢, 我唸你都係快d 完成你d 透視圖先la~出多幾個角度, 逼真d, 咁樣個結論都好睇d 丫..."

聽到黎呢度, 我覺得都係一樣死... 我連3d都未畫得好, 仲要逼真!?
睇黎神ge打救同地獄ge召喚真係差無幾lo
呢個project都唔知係佢玩我定係我玩我自己

design student 星座統計

無~又係我吹時呀..........
今次想玩下星座統計，想睇下design student多數係咩星座之嗎~

白羊﹣？
金牛﹣吹／愛兩屎、夏巾、文東
孖子﹣？
大蟹﹣包大導、bibibibily
獅子﹣死八婆大佬、釘釘、colin...
處理﹣臭豬、臭當
天秤﹣波波、前kk＝現役瑋仔
天蠍﹣angel拿、蘇眉、小咸、小玲
射手﹣茄雲、irene、pc
摩蠍﹣？
死瓶﹣李新新、呂森麻
孖魚﹣？

頭先天蠍座領先。
而家獅主同天蠍平手。
yeah~最多牛同學~
以~金牛同天蠍又追成平手~

又係一個走堂既下午

又係我吹時同各位報導...

呵，尋日烏sirsir仲話打比我叫我通知同學今日返學，但係我就身先士卒第一個唔返，真係越黎越放肆，視deadline如無物...

打比亞烏sirsir又扮病，約佢星期五先返果時，佢問我通知左同學未，我心諗「以？咁順攤＋唔通佢以為成班都病？」

「e...係我個人問題姐...同學仔都會返既...」曾經，我都有想話全部同學都唔返既一刻猶疑...

同學們，對唔住呀，我都好想話比佢知你地全部都病哂返唔到，不過呢d大話我真係講唔出口...講左我驚比人笑到我死之後仲留芳百世...

-------------------

頭先又hea係度睇澳日，有一則無聊新聞話北京有個司機因為見到有個裸婦狂奔而炒向前面部車，好笑，都未算。

最好笑係佢地兩個落車理論，亞司機講到因為見到祼婦狂奔所以炒埋黎之後，兩名司機竟然相視而笑，賠償後和平散去...

真係...男人咸濕得真係有共識...

咩烏SirSir呀？

又係一個風和日麗既下午。

早係上星期已經交左論文比p7，今日又話係另一個deadline，我都唔知點dead，佢都未話比吹時知有咩要改，趕咩jet?

於是我就打比佢問佢睇成點，交左成個禮拜喇喎，佢開頭扮到好似有睇咁話「唔...Ｄ野好似未消化過就咁抄入去咁..」

乖豬既吹時就問即係點呀？不如我下晝返黎搵你傾。

哼，果條友比我迫多兩迫先至話比我知，原來佢未睇！！！等我仲成個星期覺得有野吊住吊住無做其他野添！

好！我做wilson！做做下
「angel拿，好眼訓呀...」

「咁你訓一陣，我六點叫你起身啦。」

「好野~"」

就走左去享受我甜美既午睡。訓訓下，貝多芬既命運交響曲響起...

「位？」

「位，吹時牙，我係烏SirSir呀~"」
吹時心諗：烏SirSir呀？咩黎架？

「. . . . . . .」

「我係烏SirSir，你交左論文未呀？」
吹時醒起，哦...wilson sir...聽到我丫...

「下...交左d啦...」

「乜你把聲咁既？無事丫嗎？」

「哦...有d支力姐...」
吹時當時訓到一舊雲咁既聲。

「喂拿，你幫手叫一叫d同學聽日下晝兩點半，去返下面果個室...e....咩室呢....」
吹時又心諗：得架喇，知咩室，唔好阻住我訓啦...

「長者長院丫嗎，ok，得架喇。」

「下面果個咩室呢...蝦...一時醒唔起A一零幾添....」
佢繼續堅持要記到個number...

「得架喇，我知邊個室架喇。」語氣肯定地。
開始唔耐煩，咪阻住吹時夢會周公！

「哦，咁好啦，麻煩你幫我通知班入面幾多個同學呀...七個定八個呀...」

呢下真係好想發癲....我好眼訓呀！！！唔想同你玩估數字遊戲呀！！！！！！！

終於收到線，終於訓到六點，angel拿打黎，叫唔醒....訓到而家...而家係晚上八點幾...

妖!好煩呀!

琴晚諗住好早做完功課好早訓...點知三點幾上床...六點幾都未訓得著...oh~~又失眠!!!
係精神勁差ge時候~仲要死死地氣趕返學,哇!等成十幾分中都冇巴士~~d車係咪食晒屎ar!!!終於上到車...諗住靜靜地係巴士上休息下啦,架車好多人,有種窒息ge感覺,點知後面ge大叔仲要係度狂爆粗,十句說話當中,十一句都係粗口,講得好大聲~好煩ar~成晚冇訓~唔好嘈得唔得ar!!!我唔介意人地係巴士上面講野,都唔介意人地爆粗~但係我真係好憎佢講野講得咁大聲~仲要坐係我後面~真係好想打獲佢!!!但係我有教養,只係係個袋入面搵左個耳筒出黎塞住隻耳,開歌聽~點知都係覆蓋唔到果位大叔ge嘈音...結果我要將d歌聲開到盡先聽唔到佢講野...我寧靜ge早上就咁冇左,落車都只係怒睥左佢一眼咁多...
失眠都已經夠衰...仲要遇上嘈音...真係好煩呀!!!

行運超人救下呢個pook街仔

話說尋晚打算改好份論文, 等今日可以輕鬆d, 點知半夜把買左兩日ge風扇唔聽話, 係咁嘈投訴要加班... 唯有叫佢收聲, 免得佢發脾氣谷到爆. 焗住係間細到爆ge電腦房度, 空氣唔流通邊有心情做野, 於是決定入房訓, 最多第二朝早d起身la...
第二朝的確早左起身...都未到12點, 11點半0者, 唉... 同媽咪仔講左話把風扇有問題, 跟住拆開黎睇... wa 做咩風扇中間粒用膠做ge"的"會黏住左係條軸上面ge... 仲要裂埋...... 用左兩日ja wor, 唔係化學過化學呀, 於是乎拎去換.
出門口戈刻先唸起無帶鎖匙, 正當想同媽咪仔講之際, 就見到媽咪仔閂門, "boom"一聲, 媽咪仔check下佢個手袋, 都係無鎖匙......
兩個人仔換完把風扇放左係個親戚度就去搵家姐仔, (手羅)鎖匙, 都係搏下佢有無帶ga ja, 點解唔打左電話問佢先? 因為我家姐仔太乖, 開工永遠唔開電話, 有咩要搵佢都難, 於是我地係佢公司樓下等佢收工, 1點等到1點3, 都唔見人... 電話繼續唔開... 佢唔係多野做叫外賣唔落黎食晏呀...... 好彩等多5分鐘, 終於見到日日都遲收工ge家姐仔, 好彩佢有帶鎖匙~
食完野返到屋企咁又兩點幾, 仲有一日就要交論文, 仲未度好要點改點改, 你話點算.

F4浪漫少女沙灘照

趕論文趕到仆街，已經搬左部電腦落樓下無得上網，但係仲要係部無乜野玩既電腦入面搵個iPhoto出黎裁相。

裁到去上年去泰國d水著相，又再見埋個咸blog入面新update既青春少女沙灘照~

哎也~好開心呀~我又想扮F4呀~扮下四葉草~

好想影張係個風和日麗既下午，著住白色透透地小背心，有幾滴激起既浪花仔，而我既表情係要懶係怕比d水彈到with笑住既美女式尖叫...

「丫~哈哈」

有冇人有興趣帶埋吹時去~

冷巷中的新馬路

都唔記得今日抽獎添，不過唔緊要啦，我不嬲都無乜抽獎運架喇...

呢個神位同我個題目應哂境啦，又十六號碼頭又係佢朋友，又渺無人煙，後面街仲有個三輪車站添...

睇怕我要化身成紅牌亞姑坐住架三輪車出去拉客先得喇...

風和日麗

在一個風和日麗nelson果關順利過渡的日子，我和媽咪、colin食完個早餐，就同colin同車出新馬路。

在一個風和日麗的三號巴士上面，見到mary。

好！我走！

DEGREE GRADUATION PORTFOLIO I 60 9 15.00% 2006-04-26
GRADUATION SHOW PRODUCTION I 90 6 6.67% 2006-05-04
DEGREE THESIS I 84 6 7.14% 2006-05-02
SEMINAR/WORKSHOP I 30 0 0.00% 2006-05-04


nelson，唔好意思，見你果科走得6.67%，而我又未掂過，所以我決定聽日走左你果堂喇。
唔好太掛住我，祝教安！

FINAL, TOO

立體班論文五月十FINAL立體班論文五月十FINAL
立體班論文五月十FINAL立體班論文五月十FINAL
立體班論文五月十FINAL立體班論文五月十FINAL
立體班論文五月十FINAL立體班論文五月十FINAL
立體班論文五月十FINAL立體班論文五月十FINAL
立體班論文五月十FINAL立體班論文五月十FINAL
立體班論文五月十FINAL立體班論文五月十FINAL
立體班論文五月十FINAL立體班論文五月十FINAL
立體班論文五月十FINAL立體班論文五月十FINAL
立體班論文五月十FINAL立體班論文五月十FINAL

岩岩(手)羅起左份論文, 有大把野想改, 但唔知點改好, 舊野又唔捨得刪, 新野自然唔識點落筆, 好天左兩日, 一張相都無出去影過, 成日唸住睇下篇野改成點先再出去影要既相, 咁篇野又未改, 即係影唔到相, 設計又未改好, 即係寫唔好個結論, 亦即係畫唔到圖紙, 亦即係無作品既圖放到落份論文度住, VINCENT又唔愛我, 又唔覆下我EMAIL, 想聽多點意見先動手改都唔得... 星期四仲要做個展場電腦稿出黎, 大家畢業展預多筆錢黎做戈0的咩咩金俾我都得0羅

FINAL

平面A班論文五月九FINAL平面A班論文五月九FINAL
平面A班論文五月九FINAL平面A班論文五月九FINAL
平面A班論文五月九FINAL平面A班論文五月九FINAL
平面A班論文五月九FINAL平面A班論文五月九FINAL
平面A班論文五月九FINAL平面A班論文五月九FINAL
平面A班論文五月九FINAL平面A班論文五月九FINAL
平面A班論文五月九FINAL平面A班論文五月九FINAL
平面A班論文五月九FINAL平面A班論文五月九FINAL
平面A班論文五月九FINAL平面A班論文五月九FINAL
平面A班論文五月九FINAL平面A班論文五月九FINAL
平面A班論文五月九FINAL平面A班論文五月九FINAL


但係我自從上星期二之後乜都無掂過......

你睇我地d中國文化幾勁~

http://www.rthk.org.hk/tvcommissioning/mcdull/index.htm
春田花花中華博物館
以後d學生如果要上中國文化堂ge話都唔使咁悶lu"

淋漓盡致

Karen傑作，趕功課時做既無聊野。

同呢個blog誕生＋目的如出一轍，都係趕到死但係死都唔到功課。

簡直係達到呢個blog既精神既極致！

值得嘉許以表揚~~~~~~~~~~~~~

掌聲鼓勵~~~~~~~~~~~~~~

畢業裡痕

諗d野黎開心下先~

喂，邊個去架？

吹時會著三點式架喎~
不過呢排肥左少少…多左摺…

Auto X Cad 大戰

據聞Auto同Cad一向唔多妥, 平時上堂聽聽埋埋d 暗示單打就知, 尤其係Cad, 一開聲未入正題我地已經get到佢想講咩...

Auto向Cad借左下晝堂ge一粒鐘要我地做final project ge final present, 大家呢幾日趕到死下死下...除左我呢d視死如歸打算懶係型咁出手稿黎present ge人. V同學係死期前一日打俾我, 話不如叫我同Auto講延期, 我同佢講無咩可能lo, V同學話佢向Cad吐左苦水, then我就話"咁叫Cad唔好借時間出黎lo", V同學話佢有say, 但係Cad無理...

夜晚, 大家血戰同時周圍問邊個朝早會返, 我同幾個同學有左共識, 唔返, 人地個個搏晒命繼續開工, 我就闊佬懶埋present研究呢個blog點用hea到五點幾.

到左朝早享受訓覺時光ge我接到B同學電話, 話有好消息~唔使pre. B同學話事緣係咁...

原來朝早一個人都無返去上Cad堂. Cad打左俾B同學問做咩我地無人返, B同學話個個都趕緊present d野云云(擺明唔係個個la)... then Cad就話同左Auto講, 我地咁樣趕野唔上佢堂唔得, 所以cancel左個present, 叫Auto自己再搵另一個時間咁話wor"

聽起上黎幾好笑, 又有d對唔住Cad, 話晒Cad成日暗中撐我地, 指使我地唔好順晒Auto意思, 兼乘機單打Auto, 但係成班竟然走晒堂, 咁多個人仔都一齊唔上堂ge機率中學都有計係幾低gala, 而且唔係夾埋wor... 呢招聽聞話係前一兩屆d師兄師姐用黎對付Auto ga wor, 點知到左呢屆, Cad無lala就中左招...

帶住開心ge心情上堂, 只係開心左一陣, 今日唔使present0者, 唔代表聽日後日大後日唔使wor, 經過呢單野佢心情自然唔好la, 對住我d手稿... 我實萬箭穿心死無全屍la...... 加上下晝抽簽自己個booth ge位置, 唔小心咁好彩抽左lucky no. one(點解六合彩又唔見我中...orz "), 呢鋪真係.........

ioi

iOi
是不是加左架ＬＡ

定還是未？
我成晚都吾知做左咩ＷＯＲ

點算

「你今晚做過d乜呀？」五月四清晨

無~
搞左個blog，寫左兩單野
班左d人入黎
開左成晚icq，勁串d無謂人
係friendster努力打英文卡中年鬼佬
等食宵夜，食完

而家已經係兩點幾。

你份論文呢？. . . . . . . . . . .

丫~~~~~~~~~~~~~~
唔好問我呀~~~~~~~~~
我唔知呀~~~~~~~~~

短暫的誘惑

http://game.coden.ntt.com/contest/work/29/29.html
見到d 圓圈差唔多大ge 時候移個鼠標埋去, 岩beat 就會見佢顯示ok gala~
難ge 真似好難玩...

食螺絲多過食螺絲粉

小女子今日處女下海，幫包大人拍左些許demo，係我咁大個女第一次拍有對白既片，仲要係咁長既對白。

記得以前讀rosa果時，暑期班參加過畫劇，final project當然係搞一個演出啦。
當亞sir問到「有個角色有一句對白，邊個做？」
我飛起舉手去矣。

「哇，洗唔洗咁恨演出呀？」我而家估我當時身邊眾人會咁諗。
但係，其實我當時以為…有一句對白既意思係個個人都有好多對白…
我唔想講對白. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
我仲記得果個角色係做飛女…我果句唯一既對白，正式果時…都食左螺絲…


亞包，連累你喇，今日餵左咁多螺絲過你地食. . . . . . . . .

無盡的夜

又九點。

以前成日覺得夜晚係無窮無盡咁長，只要你肯唔訓覺黎做功課或者溫習，就一定做得完。

但隨住入左黎而家呢個sm地獄年級越讀越高，做住時而快感時而痛苦既功課既時候，我發覺，我呢個「夜無盡論」，已經全盤翻倒。

以下係吹時入獄後平均作息時間列表：

大一(上) 00:00
大一(下) 02:00
大二(上) 02:00
大二(下) 02:00
大三(上) 02:00
大三(下) 04:00
大四(上) 06:00
大四(下) 09:00

你地無睇錯，係朝早九點。

前言

越黎越與死線接近，就越想發癲。
吹時開呢個blog既目的就係想搵個地方發癲，但係有感各位同學都有發癲既需要，一個發，不如一齊發開心d，於是建立此blog，以紀念我地發癲既日子。

吹時做功課做到唔願做既時候，主要活動係漫步於各大部落格。
無架，一個字hea，兩個字﹣發癲，三個字﹣唔願做。

希望係摶殺既同時，可以得到各位同學仔互相鼓勵一番。

謹此 祝各位同學交到功課。

發起者
吹時

20060503